DIALA JURNALETO
       18230-esma visiti depos la 01/12/2003
Mardie 19-ma di junio 2007
Dio di santa Romualdo.
DIO-PROVERBO : Guvernar esas previdar.
En la zodiako-signo dil Jemeli guvernata dal planeto Merkurio.    Grizeta e pluvema cielo, cajorne, en Francilia.
KONCIZE
KROATIA :- DU EX-GENERALI KORAM LA JUDICIISTI ITALIA :- PROCESO KONTRE LA CIA AJORNESAS NORD-KOREA :- PAZO ADAVANE VERS LA SEN-NUKLEIGO
La proceso di du ex-generali Kroata, Rahim Ademi e Mirko Norac, komencis, hiere, avan la regionala tribunalo di Zagreb. Li akuzesas pro milit-krimini facita dum la Kroata sendependeso-milito (1991-1995). Parolesas pri la unesma proceso transferata a la Kroata judiciisti dal Internaciona Punisala Tribunalo (IPT). La tribunalo di Milano rezolvis, hiere, ajornar til la 24ma di oktobro, la proceso di 33 personi (inter li 26 CIA-agenti) qui akuzesas pri la rapto di Abu Omar, anciena Egiptiana "imam" qua raptesis enstrade dum februaro 2003. Ita rezolvo esas la konsequo dil rekurso dal Italiana guvernerio avan la konstitucala Korto, akuzanta la statala advokataro di Milano pri "violaco di Statala sekretajo" motivo dil utiligo de telefonala askoltili da membri apartenanta a la sekreta servi. Segun la agenterio Interfax, Nord-Korea klozigos dum venonta julio, la militistala centro di Yongbyon, qua furnisas materiajo a lua nukleala programo militistala. Ita rezolvo esas la unesma etapo vers la sen-nukleigo di ca lando, pro internaciona interkonsento-kontrato qua signatesis ye la 13ma di februaro en Beijing (Pekino).
ALTRA TITULI
IRAN : TAILANDO : UNIONITA REJIO :
LA GUVERNERIO DI CA LANDO EXAMENAS DISKUTO-PROPOZO DA WASHINGTON. LA RELIGIALA VIOLENTAJI PLUFORTESKAS EN SUD-TAILANDO. IMPORTANTA RETO DE PEDOFILI* DESFORTIFIKESIS DAL BRITANIANA POLICANI.
Redaktero : Jean Martignon      Altra situi pri informaji : EUROPA    e   NOVAJETI